Enn bætist í flóru Apple.

Í síðasta tölublaði DUDE magzine ræddum við um nýjasta iPhone og nú hefur Apple sett þessa nytsamlegu vöru á markað.

Í dag var þetta tryllitæki kynnt. Músin út og þetta inn – kallað “Magic Trackpad” og er gert fyrir borðtölvur. Með þessu á að vera mun auðveldara að vinna á tölvuna, ýta á hnappa, skrolla, færa músina og fleira. Apple-menn segja að fletta á milli internetsíðna sé núna eins og fletta tímariti og að skrolla verður mun náttúrulegra en það hefur verið. Hægt að klikka og double-klikka hvar sem er á þessu tryllitæki, hægt að súmma, snúa með því að nota fingurgómana og fleira. Þú getur meira að segja tekið út skipanir  sem þú notar ekki (ef þú notar til dæmis aldrei súmmið) eða bætt við skipunum hvenær sem er. 

Magic Trackpad tengist við bluetooth og er hægt að nota í staðin fyrir mús eða samhliða henni. Það er eins í laginu og þráðlausa lyklaborðið frá Apple ef þið kannist við það og ætti því að lúkka vel á tölvuborðinu.

Tjékkið á þessu á apple.com!

Ég spurði tvo vini mína hvort þeir ættu eitthvað úr Zöru. Þeir settu upp skrýtinn svip og spurðu mig hvort það væri ekki verslun sem seldi einungis kvenmannsföt. Mér fannst undarlegt að þeir höfðu ekki hugmynd um karlfatadeild Zöru hér á landi! Báðir viðukenndu svo að vera svolítið fastir í því að kaupa sér alltaf föt í sömu búðinni og voru sammála um að þeir þyrftu kannski að kynna sér fleiri verslanir.

Flott frá Zöru undanfarna mánuði.

Sumarlegt og létt.

Er að fíla þetta lúkk!

Mega töff þverslaufa.

Í síðasta tölublaði af DUDE magazine (sjá hér til hliðar) var að finna fullt af flottum vörum úr Zöru og fleiri búðum. Ég mæli hiklaust með að þið skoðið úrvalið í fleiri búðum en einni, þó þið nennið því ekki – þá gætuð þið notið góðs af. Endilega kíkjið inn í blaðið líka, rennið músinni yfir fötin og skoðið stærri myndir og verð.

Eins og flestir golfáhugamenn vita var Opna breska meistaramótið haldið í St. Andrews í Skotlandi um helgina. Þar bar Louis Oosthuizen, 27 ára gamall Suður-Afríkubúi, sigur úr býtum mjög óvænt. Hann var 16 höggum undir pari og sigraði á mjög öruggan hátt – með 7 högga mun.

Aðeins 19 ára gamall steig hann inn í atvinnumennskuna og hefur ekki vikið frá henni síðan. Hann hefur unnið allnokkur mót en kom inn á Opna breska meistarmótið í 54. sæti yfir bestu atvinnugolfara heims. Eftir fyrsta daginn komst hann í 2. sætið á eftir Rory Mcllroy. Á föstudag komst hann hins vegar upp í fyrsta sætið en tapaði forystunni til Paul Casey eftir lítilsháttar mistök. Casy gerði hins vegar reginmistök á lokadeginum og þar með tók Louis forystuna á ný.

“Everyone told me it was just a matter of me believing in myself and my first win on the European Tour really helped. But to win an Open is special. To win at St Andrews is extra special.” 

Já kallinn kom svo sannarlega á óvart og er kominn á lista yfir 15 bestu golfara heims.
Nokkuð stórt stökk!

Oliver Peoples er sólgleraugnaframleiðandi af bestu gerð. Verum töff og notum sólgleraugu í sumar, bæði til að lúkka vel og til að verja augun fyrir óæskilegum sólargeislum.

 KVA-sólgleraugun eftir evrópska hönnuðinn Kris Van Assche sem nú er listrænn stjórnandi fyrir karlfatalínur Dior. Umgjörðin er bæði sportleg og fáguð í senn.  

SHELDRAKE -gleraugun eru innblásin af Andy Warhol og eru frekar nett.

  SHELDRAKE-flip-up clip-on eru smekkleg gleraugu úr sumarlínunni 2010 og voru þau gerð til heiðurs  gleraugunum  hér að ofan. Tíska og virkni eru hámóðins í dag og hægt er að setja
4 tegundir glerja á umgjarðirnar.

Auglýsing Oliver Peoples fyrir sumarið 2010.
Skoska söngkonan Shirley Manson og ungi leikarinn Elijah Wood sýna gleraugnalínuna í myndbandinu “the children are bored on sundays“.

http://www.oliverpeoples.com/

California Skatepark á þetta hjólabretti og er það það stærsta í heimi. Einn eftirmiðdag ákváðu þeir sem nota garðinn og vinna þar, að taka þetta risahjólabretti og skella sér eina bunu á því. Seinna ákvað eigandi garðsins, Joe Ciaglia, að fara einn á brettinu niður brekku. Svo fór sem fór.

Það verður enginn karlmaður svikinn af Tom Ford. Nýja línan hans, fyrir veturinn 2010, er komin í framleiðslu og mun von bráðar verða í höndum karlmanna um allan heim.

Hér má sjá smá sýnishorn:

Módelin Jon Kortajarena, Gordon Bothe, Jonas Kessler og Max Motta
sýna hér það heitasta í herratískunni frá Tom Ford.

Jakkinn til hægri er awesome.

Flauelsefni eru að sækja í sig veðrið og líta þessi jakkaföt guðdómlega út.

Tom Ford tekur mikið tillit til smáatriða í þessari línu sinni.

Dökkir litir í bland við græna og bláa tóna.
 

Augljóslega þyrftu íslenskir karlmenn að eignast eitthvað af þessum flíkum.

Ekki satt? 

Ef það er eitthvað sem ég hata þá eru það snúrur en eins og öll önnur vandamál þá er til lausn á vandamálinu. Mæli eindregið með Bluelounge.com þar sem er að finna hinar ýmsu lausnir á snúruvandamálum.

Cablebox er tilvalið til að fela millistykki hjá tölvu eða sjónvarpi.

Cableclip. Ef þið eruð orðin þreytt á gömlu brauðvírunum þá er þetta eitthvað fyrir þig.

Studiodesk. Ef þú átt nógan pening þá er þetta borðið. Hólf inni í borðinu fyrir allar snúrur og drasl. Þannig að þetta er eins “klín” og það gerist.

Annars er fullt af öðrum lausnum á Bluelounge. Skellið ykkur þangað eins og skot!

Þó svo að margir menn vaxi á sér bringuna (t.d. David Beckham) og að tískan hafi þróast í þá átt, þá eru oftar en ekki ”alvöru karlmenni” þeir menn sem eru með slatta af bringuhárum. En það er svo skrýtið með mannslíkamann, að það eru ekki allir sem virðast getað “safnað” bringuhárum eins og Burt Reynolds eða Tom Sellick. 

Bringuhár Ed Westwick eru dáð af kvenmönnum um allan heim

Til mikillar hamingju eru til leiðir til auka hárvöxt á bringunni. Það er eiginlega bara mjög auðvelt, það eru til nokkrar fæðutegundir sem þú getur borðað til að auka hárvöxtinn.

Egg

“Þú ert ekki karlmenni ef þú hefur ekki stútað einum bolla að hráum eggjum” – eða það sögðu vaxtaræktarmenn fyrir svona 100 árum. Jafnvel kvikmynda-icon eins og súperstjarnan Rocky Balboa sagði að “hrátt væri best”. Alvöru boxarar borða þó ekki hrá egg. Í raun geta hrá egg verið hættuleg heilsunni og við hjá DUDE magazine mælum með þeim elduðum. Þá er minni hætta á salmonellu og öðrum bakteríum sem hægt að er finna í hráum eggjum (ég fór allt í einu að velta fyrir mér að nú þyrfti ég að hætta að borða kökudeig). Slepptu hráum eggjum og taktu þér tíma til að þeyta þau og búa þér til ommilettu, líkaminn mun þakka þér greiðann.

Sardínur

Sardínur eru hlaðnar próteinum og ómega 3 fitusýrum. Til að mynda eru 25 gr. af 100 gr. af sardínum prótein. Þær eru líka lofaðar fyrir hjálpa starfsemi hjartans og fyrir að halda hárinu heilbrigðu. Þær auka því hárvöxt, þannig að taktu þér dós, gaffal og “dig in”.

Lifur og laukur

Hefur þig alltaf langað til að tjékka hvort vinir þínir séu ekta karlmenni? Þú getur gert það með því að elda handa þeim lifur og lauk – og fylgjast síðan með fyrsta bitanum. Þó að þeir muni væntanlega hreyta einhverju í þig, þá getur þú sagt þeim að næringargildið í máltíðinni sé yfir allt hafið. Kálfalifur er til dæmis full af próteini, járni, sinki, vítamínunum A, C og B, B2, B12, ásamt bíótíni, fólínsýru og fleiru. B-vítamín eru jú þau sem eru mjög mikilvæg fyrir hárvöxt. Bíótín er líka oft gefið þeim sem hafa þurft að upplifa mikinn hármissi. En það er ekki bara lifur sem getur aukið hárvöxt, laukur getur líka reddað þér bringuhárum.

Chili

Chili hefur verið notað í aldir í amerískri menningu. Hvort sem þér líkar við sterkan mat eða ekki, þá gat það sagt til um karlmennsku þína hvort þú höndlaðir chili-ið eða ekki. Reyndar var ekki vitað á þeim tíma að chili gæti hjálpað til við hárvöxt manna á bringunni. Núna hafa vísindamenn kannað það og segja chili stuðla að auknum hárvexti. Capsaicin, efni sem er í chilinu og gerir það svona sterkt, virðist hafa áhrif á líffræðilegt ferli hárvaxtar. Baunir og nautakjöt eru líka full af próteinum, sinki og járni og það er því auðvelt að búa til vandaða, karlmannlega máltíð sem eykur hárvöxtinn til muna.

Jæja, allir út að safna!

Ég held að þetta sé awesome í sumar! Veit einhver um einhverjar villtar hjólabrautir hér á landi? Þar sem er grjót, sandur og almennar torfærur fyrir fjallahjól?

Mig grunar að einhverjir hér séu að stunda þetta sport…

Já SÆLL!

Var að skoða myndir af Marina Bay Sands hótelinu sem er sagt vera dýrasta hótelið í þessari veröld. Hótelið er í Singapore og hefur það að geyma stærstu útisundlaug í heimi – sem staðsett er á 55. hæð þess.

Smá mannvirki hér á ferð.

Svona laugar eru kallaðar “infinity”-laugar og þær stækka einhvernveginn sjóndeildarhringinn.
Þetta virkar allavega eins og maður muni steypast fram af þessum fimmtíu og fimm hæðum!
Í raunveruleikanum hellist vatnið fram af brúnum laugarinnar og í vatnssöfnunarþró rétt
fyrir neðan, vatnið fer í gegnum kerfi sem svo spýtir því aftur upp í laugina.

Laugin er á þaki “SkyPark”, sem er þak yfir þrjá turna hótelsins.
Hún er löguð eins og skip og er meira að segja lengri en Eiffel-turninn ef hann væri lagður á hlið.

Mig minnir að ég hafi lesið að laugin sé heit, þannig að þetta er hinn ágætasti heitapottur með útsýni!

Set þetta á “áður en ég dey” listann.

Eruð þið ekki annars að fíla blaðið?