Ef það er eitthvað sem ég hata þá eru það snúrur en eins og öll önnur vandamál þá er til lausn á vandamálinu. Mæli eindregið með Bluelounge.com þar sem er að finna hinar ýmsu lausnir á snúruvandamálum.

Cablebox er tilvalið til að fela millistykki hjá tölvu eða sjónvarpi.

Cableclip. Ef þið eruð orðin þreytt á gömlu brauðvírunum þá er þetta eitthvað fyrir þig.

Studiodesk. Ef þú átt nógan pening þá er þetta borðið. Hólf inni í borðinu fyrir allar snúrur og drasl. Þannig að þetta er eins “klín” og það gerist.

Annars er fullt af öðrum lausnum á Bluelounge. Skellið ykkur þangað eins og skot!

Þó svo að margir menn vaxi á sér bringuna (t.d. David Beckham) og að tískan hafi þróast í þá átt, þá eru oftar en ekki ”alvöru karlmenni” þeir menn sem eru með slatta af bringuhárum. En það er svo skrýtið með mannslíkamann, að það eru ekki allir sem virðast getað “safnað” bringuhárum eins og Burt Reynolds eða Tom Sellick. 

Bringuhár Ed Westwick eru dáð af kvenmönnum um allan heim

Til mikillar hamingju eru til leiðir til auka hárvöxt á bringunni. Það er eiginlega bara mjög auðvelt, það eru til nokkrar fæðutegundir sem þú getur borðað til að auka hárvöxtinn.

Egg

“Þú ert ekki karlmenni ef þú hefur ekki stútað einum bolla að hráum eggjum” – eða það sögðu vaxtaræktarmenn fyrir svona 100 árum. Jafnvel kvikmynda-icon eins og súperstjarnan Rocky Balboa sagði að “hrátt væri best”. Alvöru boxarar borða þó ekki hrá egg. Í raun geta hrá egg verið hættuleg heilsunni og við hjá DUDE magazine mælum með þeim elduðum. Þá er minni hætta á salmonellu og öðrum bakteríum sem hægt að er finna í hráum eggjum (ég fór allt í einu að velta fyrir mér að nú þyrfti ég að hætta að borða kökudeig). Slepptu hráum eggjum og taktu þér tíma til að þeyta þau og búa þér til ommilettu, líkaminn mun þakka þér greiðann.

Sardínur

Sardínur eru hlaðnar próteinum og ómega 3 fitusýrum. Til að mynda eru 25 gr. af 100 gr. af sardínum prótein. Þær eru líka lofaðar fyrir hjálpa starfsemi hjartans og fyrir að halda hárinu heilbrigðu. Þær auka því hárvöxt, þannig að taktu þér dós, gaffal og “dig in”.

Lifur og laukur

Hefur þig alltaf langað til að tjékka hvort vinir þínir séu ekta karlmenni? Þú getur gert það með því að elda handa þeim lifur og lauk – og fylgjast síðan með fyrsta bitanum. Þó að þeir muni væntanlega hreyta einhverju í þig, þá getur þú sagt þeim að næringargildið í máltíðinni sé yfir allt hafið. Kálfalifur er til dæmis full af próteini, járni, sinki, vítamínunum A, C og B, B2, B12, ásamt bíótíni, fólínsýru og fleiru. B-vítamín eru jú þau sem eru mjög mikilvæg fyrir hárvöxt. Bíótín er líka oft gefið þeim sem hafa þurft að upplifa mikinn hármissi. En það er ekki bara lifur sem getur aukið hárvöxt, laukur getur líka reddað þér bringuhárum.

Chili

Chili hefur verið notað í aldir í amerískri menningu. Hvort sem þér líkar við sterkan mat eða ekki, þá gat það sagt til um karlmennsku þína hvort þú höndlaðir chili-ið eða ekki. Reyndar var ekki vitað á þeim tíma að chili gæti hjálpað til við hárvöxt manna á bringunni. Núna hafa vísindamenn kannað það og segja chili stuðla að auknum hárvexti. Capsaicin, efni sem er í chilinu og gerir það svona sterkt, virðist hafa áhrif á líffræðilegt ferli hárvaxtar. Baunir og nautakjöt eru líka full af próteinum, sinki og járni og það er því auðvelt að búa til vandaða, karlmannlega máltíð sem eykur hárvöxtinn til muna.

Jæja, allir út að safna!

Ég held að þetta sé awesome í sumar! Veit einhver um einhverjar villtar hjólabrautir hér á landi? Þar sem er grjót, sandur og almennar torfærur fyrir fjallahjól?

Mig grunar að einhverjir hér séu að stunda þetta sport…

Já SÆLL!

Var að skoða myndir af Marina Bay Sands hótelinu sem er sagt vera dýrasta hótelið í þessari veröld. Hótelið er í Singapore og hefur það að geyma stærstu útisundlaug í heimi – sem staðsett er á 55. hæð þess.

Smá mannvirki hér á ferð.

Svona laugar eru kallaðar “infinity”-laugar og þær stækka einhvernveginn sjóndeildarhringinn.
Þetta virkar allavega eins og maður muni steypast fram af þessum fimmtíu og fimm hæðum!
Í raunveruleikanum hellist vatnið fram af brúnum laugarinnar og í vatnssöfnunarþró rétt
fyrir neðan, vatnið fer í gegnum kerfi sem svo spýtir því aftur upp í laugina.

Laugin er á þaki “SkyPark”, sem er þak yfir þrjá turna hótelsins.
Hún er löguð eins og skip og er meira að segja lengri en Eiffel-turninn ef hann væri lagður á hlið.

Mig minnir að ég hafi lesið að laugin sé heit, þannig að þetta er hinn ágætasti heitapottur með útsýni!

Set þetta á “áður en ég dey” listann.

Eruð þið ekki annars að fíla blaðið?

Langaði að kynna ykkur fyrir “The Engadget Show” sem er vefþáttur sem er sýndur á c.a. mánaðar fresti. Í þessum þáttum eru kynntar nýjustu græjurnar hverju sinni. T.d. í nýjasta þættinum sem er frá 23.júní er fjallað meðal annars um iPhone 4, Microsoft Kinect og Droid X. Þetta er tilvalin leið til að vera með puttann á púlsinum í græjumálunum án þess að lesa 100 pósta sem Engadget dritar út á hverjum degi.

Hérna hafið þið þátt númer 10 þar sem Jimmy Fallon var meðal gesta. Njótið.

Nú hefur glæný heimasíða litið dagsins ljós, heimasíða DUDE magazine.

DUDE magazine er nýtt íslenskt veftímarit fyrir karlmenn. Tímaritið mun koma út einu sinni í mánuði og ættu allir strákar að finna eitthvað við sitt hæfi – hvort sem það snýr að bílum, græjum, íþróttum, tísku eða hverju öðru sem við teljum að íslenskir karlmenn hafi gaman að.

Blaðið er að sjálfsögðu frítt og hægt er að skoða það allan sólarhringinn, hvar og hvenær sem er!

Við munum svo að sjálfsögðu blogga eins og vinkonur okkar á NUDE magazine, svo þið getið alltaf kíkt á dude.is ykkur til dægrastyttingar.

Með von um að þetta sé eitthvað sem þið hafið verið að bíða eftir,

- DUDE gengið.